الحمل والولادة في برلين

الصفحة فيها ملعومات مخصوصة لولاية برلين.

🤰 متابعة الحمل

حجزنا مع دكتورة النساء لمتابعة الحمل، المتابعة مرة كل شهر.
في الأسبوع 25 عملنا 3D Scan عشان نطمن على الطفل.
في الشهر الثامن المتابعة بقت كل أسبوعين، وفي الشهر التاسع كل أسبوع.
لما تصرفو الأدوية اطلبوا من العيادة تعلم علي Schwangerschaft عشان تاخدو الأدوية ببلاش.
خلال الحمل تم وصف:
- Folic Acid
- Iron
- Magnesium
- Calcium
- Vitamins
- التطعيمات اللازمة

🏥 قبل الولادة

كل ما تبتدي بدري كل ما يكون احسن.

دور علي Hebamme (Midwife) لمتابعتكم قبل وبعد الولادة.
- عادةً بيبقي ليكم حوالي 15 زيارة على حساب التأمين.
حجز المستشفى للولادة.
حجز طبيب أطفال.
شراء احتياجات الطفل الأساسية بدري:
- عربية
- بامبرز
- ملابس
- سرير

💡 أمازون بيعمل خصم 15% على بعض مستلزمات الأطفال اعمل سيرش عن Baby Wishlist.

جهز شنطة الولادة من الأسبوع 30 تقريبًا.
جهز وجبات جاهزة في الفريزر تكفي أسبوع أو أسبوعين بعد الولادة.
لو محتاجين مساعدة من الأهل من مصر( حماتك او والدتك) ، ابدأوا إجراءات الفيزا بدري لأن مواعيد TLS بتتاخر.
ظبط مع الشغل الاجازات.
دور علي الحضانة (Kita) من بدري لو هتودي الطفل daycare .
اسال الشغل لو في اجازه عند الولادة ( ف حالتي كانت يومين).
الاستعداد نفسيًا لقلة النوم في أول شهر.
الام تحاول تشرب مياه معدنية أو مفلتره أثناء الحمل وبعد الولادة عشان المراره و حصوات الكلي.
أنصح بكتاب: 📖 Mayo Clinic Guide to Your Baby’s First Year

👶 يوم الولادة

📍 تجربتنا كانت في Vivantes Friedrichshain

عملوا CTG للطفل لمدة حوالي 30 دقيقة.
في الولادة الطبيعية الـ Hebamme هي اللي بتساعد و ف القيصري الدكتور هو اللي بيتدخل.
بعد الولادة الطفل خد Vitamin K.
الأم والطفل بعد الولادة بيروحو station ( غرفه دبل او سبنجل علي حسب المتاح)
بيعملو الفحوصات دي للطفل:
- U1 في أول يوم
- U2 بعد حوالي 48 ساعة
استلمنا:
- Kinderheft
- Mutterpass
قعدنا ف المستشفي حوالي 4 أيام بعد كده رجعنا البيت.

🏠 بعد الولادة

حجزنا معاد U3 مع طبيب الأطفال.
ضفنا الطفل للتأمين الصحي مباشرة أونلاين.
- (في حالتنا مع TK)
- وصل الكارت خلال أسبوعين.
سجلنا الطفل وقدمنا علي شهادة الميلاد من خلال Standesamt بالمستشفى. 💡 هم خذوا الأصول بتاعت شهادة الجواز و شهادة الميلاد بس قالو بعد ميفحصو الورق هيبعتو الاصول بالبريد مع شهاده الميلاد و لو عايزين ورق زياده هيبعتولك تروحلهم وبعد كده قالوا لي ينفع تقدم بعدها علي شهادة الميلاد الدولية و اي شهادات تانيه اضافيه اونلاين)فعلا بعتو الاصول و الشهادات ف البريد).
قدمنا اونلاين على:
- Kindergeld
- Elterngeld

💡 ياريت تفعل ال eID لكروت الاقامه للأب والأم لتسهيل التقديم أونلاين(حاول تقدم من اللابتوب افضل و خلي الموبيل بتاعك ك reader للكروت ).

حجزنا موعد الختان (للراغبين). 💡 بياخد 250€ عشان العمليه دي.( اداله حقنه بينج و بعد كده بانثينول عشان بيتغير عالجرح لمده ٥ ايام و البيبي بيبقي كويس من تاني يوم).
زيارات الـ Hebamme كانت مفيدة جدًا وساعدتنا في التعامل مع الطفل.
بلغ الشغل بعد الولادة.
متابعة الأم مع طبيبة النساء للحصول على الفيتامينات الضروريه بعد الولادة.
زيارة ال Jugendamt ( حوالي شهرين بعد الولاده) كانت مفيدة جدًا عرفتنا حاجات كتير زي :
- الدعم المتاح
- الحضانات
- التطعيمات
- Elterngeld
- Kindergeld
- Elternzeit
قدمنا علي شهادة الميلاد المصرية في السفارة المصرية بعد ما طلعت الشهادة الالمانيه الدولية. 💡( كان مطلوب قسيمه الجواز و الباسبورات للام و الاب و شهاده الميلاد الدوليه و بيقولو البطايق المصريه( بس مطلبوهاش) + صور لكل حاجه فيهم و بتدفع ٤٥ يورو لو قدمت ف خلال ٩٠ يوم من الولاده و بتستني ٣ اسابيع علي ما يتسجل ف مصر و ممكن حد من قرايبك يطلع شهاده الميلاد من مصر( و ده الاسرع ) او تستني شهاده الميلاد تتبعت السفاره المصريه ف برلين و تاخدها من هناك و دي بتاخد حوالي ٣ شهور ).

📝 ملاحظات عامة

✅ في شركات تأمين عندها Bonus Program (انا كنت tk) بيدي نقط ومكافآت لما تلتزم بالتطعيمات والفحوصات( للاب والام و الطفل ).

✅ شهادة الميلاد الالماني بتاخد من 8 إلى 12 اسبوع و بتتبعت عالبيت لو مش عايزين معلومات زياده مع الاصول..

✅ ممكن تطلب استعجال الشهادة الالماني لو عندك سبب ضروري ( ممكن تبعت ايميل لل Standesamt اللي قدمت فيه او تكلمهم عالتليفون ( ف حالتي ردو بسرعه و خلصوها ف ٥ اسابيع).

✅ بعد شهادة الميلاد الألمانية ممكن تقدم على الجواز الألماني لو الطفل ليه الحق ف الجنسيه الالماني.

✅ اختار طبيب أطفال بيتكلم لغة تفهموها و قريب منكم و جرب تسيرش علي جوجل مابس و تحجز.

✅ ممكن تكمل بعض التطعيمات في مصر بعد استشارة طبيب الأطفال( ف المصل و اللقاح).

✅ ممكن تعمل تأمين صحي دولي للطفل لو بتسافرو كتير.

✅ ممكن تفتح حساب استثماري للطفل المفروض taxfree.

✅ بييجي فلوس تامين معاشات للام ممكن تتحول عالاب لو حابين. ✅ ممكن تعمل وصية رعاية الأطفال. ✅ ممكن تاخد هدايا و تخفيضات بعد الولاده. ✅ ممكن تعمل familiepass بيبقي في مميزات حلوه و رخيص.

📌 دي كانت تجربتنا الشخصية، ممكن تختلف الإجراءات أو المدد من مكان للتاني أو حسب الحالة.

لو حد عنده إضافات أو تصحيحات ياريت يشاركها عشان يبقى البوست مرجع مفيد للجميع.

ولو في أي نقطة مش واضحة ابعتولي وهحاول أساعد.

استعن بالله ولا تعجز ❤️

🔗 اللينكات

ده لينك فيه كل الحاجات اللي محتاج تعملها قبل و بعد الولاده هتلاقي ملف pdf بالعربي بتنزله فيه كل حاجه ( انا اخترت المنطقه اللي انا فيها ممكن تغيرها) : https://www.berlin.de/ba-friedrichshain-kreuzberg/politik-und-verwaltung/aemter/jugendamt/angebote-und-leistungen-des-jugendamtes/fruehe-hilfen/

جدول تطعيمات البيبي :

https://www.rki.de/DE/Themen/Infektionskrankheiten/Impfen/Informationsmaterialien/verschiedene-Sprachen/Impfkalender/impfkalender-mehrsprachig.html?nn=16779372

ازاي تخلي بالك من البيبي ف كل المراحل لحد سن ٦ سنوات :

https://www.seelisch-gesund-aufwachsen.de/films_arabic/#u3

التقديم عالباسبور الالماني :

https://service.berlin.de/dienstleistung/121151/

شهادات ميلاد الطفل الاضافيه (ممكن تقدم اونلاين) : https://service.berlin.de/dienstleistung/318960/#Online-Abwicklung

في جروب عالفيسبوك خاص بالعائلات بس انترناشيونال ممكن تشوف ريفيو المستشفيات و تقارن و في ناس بتساعد كتير ف التربيه و اي حاجه تخص العائلات : https://www.facebook.com/

groups/InternationalFamiliesBerlin/

لو عايز تقصر اسم الطفل من هنا (انا مقصرتوش) :

https://service.berlin.de/dienstleistung/324591/

ممكن تعمل familiepass بيبقي في مميزات حلوة و رخيص :

https://familienportal.berlin.de/artikel/berliner-familienpass

دكاترة الطهارة

https://maps.app.goo.gl/C6t6bBd9juFrsCVr9?g_st=ipc ( جربته و كان راجل محترم و كويس جدا) https://maps.app.goo.gl/DXK6juvbsw14zYjE9?g_st=ipc (مجربتوش بس في ناس بترشحه) https://maps.app.goo.gl/cAxpjpvfYicjmhAC8 (مجربتوش بس في ناس بترشحه)

المستشفي :

حجز المستشفي : (احنا حجزنا ف vivantes am friedrichshain وكانت تجربه مش احسن حاجه و حجزنا علي اساس انهم بيتكلمو انجليزي) دخلنا المستشفى(Vivantes in Friedrichshain) لقينا واحدة بتتكلم الماني و احنا كنا عاملين حسابنا علي انجلش... عملت CTG للبيبي لمده نص ساعه بعد ما خلصت قلت لها عايزين حد بيتكلم انجلش و جت واحده بتتكلم انجلش مكسر ف نفس الشفت و كانت لطيفه بس الشيفت خلص و اضطرت تسلم الشيفت لواحده تانيه.

حاولت اتكلم معاها بالالماني و بعد كده سالتها لو بتتكلم انجلش قالت nein كانت صعبه جدا و عنيفه و مفيش اي تعاطف و بقت بتتكلم انجليزي فمعرفش دي عنصرية ولا تمييز ولا ايه و كان معاها لحسن الحظ working student لطيفه و متعاطفه و بتتكلم انجليزي و كويسه جدا المهم خلصنا الولادة و الطفل خد فيتامين k ….. وفي واحدة تانيه جت عشان الشفت خلص بتتكلم ألماني مكانتش عنيفة بس مكانش عندها خبرة خالص….المهم خلصنا ونقلنا لل Station (بتبقى غرف بعد الولادة للام و الطفل بيقعدو فيها) طلبنا غرفه عائليه بس مكنش متاح الا غرف مزدوجه. الممرضات قعدو يجربو يسحبو دم و مش عارفين و بدلنا علي ٤ لحد ما جه ال supervisor

https://www.vivantes.de/klinikum-im-friedrichshain/geburtsmedizin/vor-der-geburt/anmeldung

مقارنات المستشفي : https://babyinberlin.com/what-is-the-best-hospital-to-give-birth-in-berlin/ https://maps.app.goo.gl/pHeUNaryyG8sKKjN9 (مجرتهاش بس كانت ترشيح)

ممكن تحجز ف المستشفي دي بس من بدري اوي عشان مبيبقاش فيها اماكن كتير (بيقولو مستشفي كويسه جدا بس احجز من الاسبوع ال ١١ من الحمل بس بيتكلمو الماني علي ما اظن)

https://www.joseph-kliniken.de/kliniken-zentren/kliniken/geburtshilfe

ممكن تصور الطفل هنا صور الباسبور الديجيتال reisepass او تعمل سيرش لاقرب مكان ليك ف جوجل مابس :

https://alfo-passbild.com/digitales-passfoto/#Fotografen

الكيندر جيلد Kindergeld (اونلاين):

https://web.arbeitsagentur.de/opal/kgo-antraggeburt-ui/auswahl

الايلترن جلد Elterngeld ( اونلاين و في ولايات تانيه غير برلين) :

https://elterngeld-digital.de/ams/Elterngeld

حجز ال Hebamme (Midwife):

https://www.ammely.de/ https://www.berliner-hebammenverband.de/infos-fuer-familien/hebammensuche https://www.kidsgo.de/kurse/hebammen/

اللينك ده ساعدني برضه :

http://egyptians-in-germany.de/family-in-germany/childbirth-in-germany-and-residence-permit-for-newborn/

ممكن تعمل وصية رعاية الأطفال :