نظارات طبية

عمل النضارة الطبية ممكن يكلف مبلغ كبير جداً، فلازم الواحد يسأل على السعر قبل ما يشتري، ويعرف أسعار السوق. أفضل مكان بأفضل سعر في ألمانيا هو Fielmann.

كشف قياس النظر مجاناً وممكن تعيد الكشف تاني.
العدستين البيسك سعرهم حوالي 18 يورو.
مش لازم تشتري الفريم من عندهم ... عندهم فريمات بتبدأ بسعر كويس، وممكن تشتري أونلاين عموماً.
بياخدو 11 يورو عشان يشيلوا العدسات القديمة ويركبوا الجديدة (يعني لو عدسات ملهاش لازمة شيلها قبل ما توديها).
إضافة anti reflection حوالي 60 يورو للعدسة الواحدة (مش متأكد من السعر تماماً).
إضافة photochromic (العدسة بتغمق لما يكون في إضاءة قوية) 30 يورو للعدسة الواحدة.
في إضافات تانية للعدسات زي إنها تكون ضد بصمات الصوابع، أو ضد البخار (مبتشبرش) ... اسأل على كل الأوبشنز.
مفيش حجز غير في نفس اليوم لو هتروح فرع في مكان زحمة ممكن تستنى شوية، بس في العادي مش محتاج تستنى أساساً.
عندهم ناس كتير بتتكلم إنجليزي.