نصائح عند التقديم علي بلو كارد للمبرمجين

هحكي تجربة سريعة فيها شوية Keywords للناس

بمناسبة 2020 لو في حاجة اختلفت عن قبل كده

التقديم على موقع السفاره عادي و معروف للجميع

بس ساعات لو قلبت اللغة English ال Birthdate

بيقلب Nan و ساعات لا بس ف chrome بس

خليه الماني عادي و click right و translate to English

التوثيق بتاع TLS ممكن بنفسك توثق من السفاره بياخد ١٠ أيام أو ممكن تروح إسكندرية توثق و إنت واقف

و ساعات هناك بيقولوا إنك مش من إسكندرية أو الاقاليم و ساعات لا و بتوثق و تمشي ف نفس اليوم

ورقك كله يبقي جاهز قبل ما تحجز معاد و يكون ف ايدك قبل اي خطوة ولا اي حجز لاي حاجة

إسمك في العقد يكون كامل زي الباسبور علشان الموظفين ساعات بيقولوا هات الاسم كامل في العقد

خصوصاً لو العقد مش مكتوب إسمك فيه ف ال footer بتاع نهاية كل صفحة

ابليكيشن السفاره املاه بالكومبيوتر عادي بس ما عدا التوقيعات

لو هيبعتولك ورق من بره يكون كله DHL و إسمك كامل و رقم تليفونك بكود الدوله يتحط من بره علي ال package

قولهم يطلعوا لك حاجة إسمها ZAV احتياطي و قدمها مع ورقك ، انت كديفيلوبر تحت خانة ال shortage occupations

ال blue card ليك ف قانون 2020 لو مرتبك آكتر من 43,056 يورو ، يعني مش 55,200 زي باقي المهن

ورقة anabin هاتها للجامعة و الكلية و أول مره يطلبوا مني الجامعة ف list الجامعات المصرية علي anabin

ورقة الجامعة ف ليست الجامعات دي اتطلبت مني و من حد اعرفه ف 2020 بس لحد 2019 لا , ف خدها احتياطي

لو انت كليتك مش موجودة هاتها من أي جامعة تانية و تكون بنفس التخصص

التأمين متعملهوش الا لما يكلموك يحددوا المده و اعمله ف Alianzz

انا عملته ٣ شهور بره و خسرت 98 يورو و طلعوا عايزينه 6 شهور مش 3

آخر حاجه بقي

خد معاك صور وأصول لكل حاجة حتي بطاقتك المصرية

لو ملكش عنوان إقامة لسه اكتب عنوان الشركة بتاعتك

لو هتدور علي سكن يبقي housinganywhere

لأن رخيص شوية و كله عليه انملدونج

و خد حاجة ٣ شهور بس كفاية لحد ما تعمل register

الفيزا بتاخد ٤ ايام طباعة بالظبط

انا معادي استلمها يوم ٢٨ روحت يوم 23 خدتها و كانت مطبوعة من 21

و بالتوفيق ان شاء الله