كيفية ادراج الدعم المالي للاهل بمصر في الاقرار الضريبي

الدعم المالي للأهل بمصر و كيفية ادراجه بالإقرار الضريبي

بالنسبة للناس اللي بتبعت فلوس لاهلها الفلوس دي تقدر تحطها في الإقرار الضريبي كالاتي

  • الشروط:

1. يحتسب الفلوس المحولة للام او الأب فقط

2. لازم يكون عمر الشخص المحول له الفلوس اكتر من ٦٥ سنة

  • الأوراق المطلوبة

1. بيان بدخل الشخص المحول اليه الفلوس مترجمة و مش لازم توثيق لا من الخارجية ولا من السفارة (من الاخر بيان من التأمينات و المعاشات بمفردات المعاش)

2. ملء استمارة "التصريح بالدعم المادي" لكل سنة علي حدا و ختمها بختم النسر (ختم النسر من اَي جهة تقدر تختمها منهم، غالباً ح تحتاج حد معرفة يخلصهالك)

3. إثبات بتحويل المبلغ و دي فيها كذا حالة:

- لو التحويل من البنك يكفي تطبع التحويل او كشف حساب

- لو التحويل من شركات التحويل زي AZIMO مثلاً يبقي تطبع إثبات بالتحويل

- لو بتاخذ الفلوس معاك و انت نازل مصر يبقي بتقدم الآتي:

1. كشف حساب يبين السحب (لازم يكون المبلغ مسحوب لوحده يعني في transaction منفصلة)

2. تذكرة الطيران و البوردينج

3. ملء "استمارة استلام الفلوس" من الأب او الام

اهم حاجة الثلاث خطوات يكون بينهم وقت قليل يعني يوم مثلاً بين كل واحدة و التانية

ملاحظة أخيرة: الافضل ان الفلوس تتحول مرة واحدة و في اول السنة علشان يرجع منها مبلغ كويس. افصل حالة انك تحول كل مبلغ الدعم في شهر يناير من كل عام

"التصريح بالدعم المادي1"
"التصريح بالدعم المادي2"
"التصريح بالدعم المادي3"
"التصريح بالدعم المادي4"
"استمارة استلام الفلوس"