تقديم بلو كارد من قطر

تقديم بلو كارد من السفارة الألمانية في قطر


  • حجز معاد السفارة عن طريق موقع السفارة في الصفحة  :

https://goo.gl/AAfKFC

  • أحيانا المواعيد تكون متاحة بكثرة وأحيانا بتضطر تحجز بعد ٣ أسابيع مثلا.

الورق المطلوب للتقديم موجود على موقع السفارة على اللنك :

       https://goo.gl/nsqSfH
       يستحسن طباعة قائمة الورق وتحديد الورق الموجود لتسهيل مراجعة الورق على موظف السفارة وعليك. أنا رحت مرتين موظف طلبها وموظف لا. 

١- نسختين من الطلب التالي ، موجود على موقع السفارة برده :

     *  English / German
             https://goo.gl/YVuoRN
     * عربي /German 
             https://goo.gl/4o4hbJ
    شخصيا مليت اللي بالEnglish 

٢- نسختين من الورقة دي، موجودة على موقع السفارة برده

          https://goo.gl/kFP9rR

٣- الباسبور

    * لازم يكون فيه تلات شهور على الأقل من التاريخ اللي بتخطط تروح لألمانيا فيه.
    * يكون فيه توقيعك في الصفحة المخصصة للتوقيع.
    * صفحتين على الأقل فاضيين.
    * صورة إقامةفي قطر سارية 

٤- صورتين

    * أكد على المصور أن الصورة لسفارة ألمانيا لأنهم بيطلبوا الصورة بمواصفات معينة. 
    * ما تتدبسش الصورة ولا تلزقها في الطلب، هم هيعملوا كده. 

٥- السيرة الذاتية والشهادات ........ (انظر الملاحظات العامة)

٦- شهادة الجامعة مرفق ورقتين من موقع http://anabin.kmk.org فيه ان الجامعة والكلية معترف بيها في ألمانيا. انا كنت مقدم بيان الدرجات برده ومش متأكد اذا كان مطلوب ولا لا.

    * الموقع بيقدم خدمة مدفوعة وبيطلع حاجة اسمها statment of comparability فيه ناس قالت انه لازم بس انا ما احتجتوش عشان الفيزا اكتفيت بالصفحة اللي موجودة.

٧- عقد العمل. هتحتاج الأصل برده.

٨- عقد الإيجار لو معاك. بس هو مش لازم انا قدمت من غيره عادي.

٩- موافقة ‘Bundesagentur für Arbeit’ فيه بعض السفارات الموافقة دي مش مطلوبة بس سفارة ألمانيا في قطر رجعتني أول مرة عشان الموافقة دي الا لو شهادتك من ألمانيا.

  * الموافقة الشركة هي اللي بتقدم لها في ألمانيا وبعدين بيبعتوا لك الأصل. أعتقد ممكن تاخد مدة ممكن توصل لشهر. 

١٠- التأمين وتذكرة طيران دول بتروح المعاد من غيرهم ولما الموافقة تيجي بيكلموك انهم محتاجينهم وبتوديهم عشان يدوك الفيزا.


ملاحظات عامة:

١- بالنسبة لشهادة التخرج بتحتاج تكون متوثقة من البلد اللي هي صادرة منه ما ينفعش شهادة مصرية تتوثق من سفارة قطر حتى لو متوثقة من خارجية قطر وسفارة مصر في قطر . ٢- لو هتودي الشهادة تتوثق في مصر، ترجمها في مكاتب الترجمة اللي معتمدة في سفارة ألمانيا في مصر.

٣- السفارة قالوا ان الموافقة بتحتاج من شهر على الأقل لتلات شهور، بس اللي حصل أن الموافقة اخدت أسبوع تقريبا.

٤- ممكن تاخد الموبايل معاك. بس بتحطه في خزنة بره وبتدخل من غيره.

٥- كل ورقة نسختين زائد الأصل بتاعها:

     * اعمل مجموعتين كل مجموة نسخ بالترتيب اللي موجود في ورقة المستندات المطلوبة 
     * المجموعة التالتة هي الأصل ودي هم ممكن يبصوا عليها بس. 

٦ - الباسبور بيتاخد منك ولو انت محتاجه لسفر او حاجة ممكن تاخده بعدها بأسبوع. ده الكلام اللي اتقال انا ما جربتش.