العمرة من المانيا
اغلب الناس بتطلع مع حملة والحملة دي بتقعد هناك من ١٠ ايام لاسبوعين .. و دايما بتبقى في وقت ال Ostern او ال Weihnachten و الخريف - أكتوبر لو صعب انك تقدر تسافر اصلا في الوقت عشان اغلب الناس اللي معاك في الشغل بيسافروا هما كمان .. وكمان اسبوعين كتير جدا .. الحل الاحسن بكتير انك تطلع مع نفسك .. تروح لمكتب عمرة تقول له انا عايز منكوا الفيزا وسيبوني انا اروح مع نفسي دي بعض المكاتب اللي بتطلع عمرة:
- أدم للسياحة - شركة أصلها مصري و لها مكتب في برلين و فروع في مصر و دول كتير website
- balcok في ايسين
- مناسك أوروبا
ممكن تروح لهم و تقول لهم ان ظروف شغلك مش هتخلينك تقدر تطلع مع الحملات في المواعيد ده وبالمدة ده .. ساعتها هما ممكن يعرضوا عليك انهم ممكن يعملوا لك بروجرام خاص بيك ( الفيزا والتذاكر والفندق في المدة اللي انت عايزها) وده بصراحة اوبشن كويس لو حد مسافر مع عيلته مثلا .. لو انت عاوز تتصرف بنفسك قولهم انك عايز الفيزا بس .. وساعتها ح تجيب صورة شخصية والباسبور ودفتر تطعيمات Impfpass يكون فيه تطعيم ال Meningococcal .. تروح لاي هاوس ارتزت تقول له عايز دفتر تطعيمات هتعمله لك السكرتيرة في دقيقة ويديك روشتة انك تشتري تطعيم ال Meningococcal.. هو بخمسين يورو بس انت ممكن تبعت الفاتورة للتامين مع تذكرة الطيران وهيرجعوهلك او لو انت دكتور ممكن تخصمه بعد كده من الضرايب .. ح تجيب التطعيم وتروح تديلهم دفتر التطعيم والباسبور والاقامة وصورة .. في خلال اسبوع الفيزا ح تكون جاهزة .. الفيزا ورقة لوحدها كده مش على الباسبور .. وساعتها تقدر تحجز الطيران ..
دلوقتي في مشكلة صغيرة .. انك لو ناوي تطلع من هنا على مكة على طول لازم تكون محرم قبل ما توصل مطار جدة .. عشان ده من حدود الحرم اللي ما ينفعش تعديها غير وانت محرم .. بس بصراحة انك تطلع من هنا محرم او تحرم في الطيارة شكلها غريب وانت مش هتبقى مستريح واحرام بس في البرد ده مش ممكن .. فالاحسن انك تسافر من هنا على المدينة الاول.. وبعدين تحرم في المدينة وتسافر على مكة وتعمل العمرة وخلاص كده .. بالنسبة للمدينة انت ممكن تحجز الاوتيل من على بوكينج .. هتلاقي اوتيلات ٥ ستار حلوة جدا و١٠٠ متر من الحرم وارخص من اي اوتيل في برلين مثلا .. لو عايز ارخص من كدة في طبعا .. وفي شقق واوض اربعة زي هوستيل وكل حاجة . المدينة المنورة جميلة جدا جدا جدا بشكل فووووووق الوصف ..الجو في المدينة في ديسمبر محتاج جاكيت خفيف بس بليل .. الصبح تيشيرت عادي .. بعد كده تشتري احرام و تحرم من الاوتيل وتطلع علي المطار وطيارة على جدة ( اوبر والطيارة بحوالي ٣٠ يورو شاكب راكب والطيارة بتاخد نص ساعة لمطار جدة) .. اول ما تطلع من مطار جدة هتلاقي تاكسيات وميكروباصات واوبر وباصات بتروح مكة .. من ٥٠ ريال لو تاكسي ٤ ل ١٥٠ ريال لو اوبر ( اليورو بحوالي ٤ ريال).. وهينزلك قدام الحرم وش. .. مكة للاسف مش زي المدينة خاااالص .. الاوتيلات فيها اغلبهم بيتعاملوا مع الحملات وممكن تحجز من بوكينج بس ما اعرفش الاسعار بتبقى زي ما لو رحت دورت بنفسك وكمان لازم تكلمهم تاكد الحجز بال booking number )واسعارهم فيها فصاااااال لبعد بكرة .. لو انت شاب ومع نفسك اوصل واتعامل وفاااااصل وما يهمكش .. لو انت مش طالع في سيزون هتلاقي اصلا سماسرة الاوتيلات بيجروا عليك طول ما انت ماشي .. لو انت طالع مع عيلة ممكن تعمل كده او الاحسن تظبط اوتيل تبع المكتب من قبل ما تسافر .. ممكن لما توصل تسيب الشنطة في luggage locker هتلاقيهم في مدخل الحرم ( ال٦ ساعات ب ١٠ ريال بس لو شنطة كبيرة وديها الاوتيل احسن ).. وتدخل تعمل العمرة ( بتاخد ساعة ونص بالكتير) وتتحلل وخلاص كده .. لو عايز تعمل عمرة تانية هتركب اتوبيس من قدام الحرم بيروح مكان اسمه التنعيم .. تلت ساعة من الحرم .. هتحرم هناك وترجع تاني على الحرم وتعمل العمرة .. الموضوع فعلا سهل جدا .. المجهود في الرحلة كلها كان اقل من Ein Samstag Dienst مثلا 😄 لو انت عايز تعمل حاجات تانية او تروح مزارات او تطول كام يوم براحتك .. ملاحظة مهمة: ما تجيبش مية زمزم معاك .. في مطار جدة في مية زمزم متعبية في قزايز ومغلفة ومحطوطة في كرتونة ومكتوب عليها مسموح بالشحن الجوي و مسموح لك بالباسبور تاخد زي ما انت عايز .. ومش بتتحط على الميزان كمان 😄😄
لو عاوز تظبط عمرة مع حد من مصر ممكن تكلم أدم للسياحة و تبلغهم بكده و هما هايظبطوا لك الفيزا و التوقيتات من مصر و ألمانيا مع بعض.