البحث عن سكن

استئجار شقة في ألمانيا:

أصبح العثور على شقة في المانيا من الأمور الصعبة على نحو متزايد في السنوات الماضية بسبب زيادة الطلب من اهل البلد ومن الاجانب علي الشقق الإيجار بشكل كبير.

ومع ذلك نوعا ما تزال أسهل مما كانت عليه في غيرها من المدن في أوروبا مثل باريس أو لندن

افضل المواقع للبحث عن سكن في المانيا

Immobilienscout24.de

Immonet.de

Immowelt.de

Wohnung-jetzt.de

Suche-neue-wohnung.de

Berlin.de.craigslist.de

Immobilienscout24.de

Ebay-kleinanzeigen.de

نصائح عامه عن الاستئجار

تجربة شخصية رقم 1 : تجــــربتي في البحث عن شقة بعد مشقة كبيرة !! يارب تفيدكم

انا من دوسلدورف، قدمت علي اكتر من 34 شقة ورد عليه حوالي 10 واترفضت من معظمهم

لحد ما طبعت الآتي والحمد لله من أول تجربة جاتلي الشقة

قدمت علي الشقة بالليل الساعة 10 واخدت الشقة تاني يوم الساعة 4 العصر بفضل الله

والحل كان الاتي

١. عمل اكاونت برايم على ايموفيليان سكاويت ٢٤ لمدة شهرين, 4 او 6 شهور علي حسب الحاجة. Immobilienscout24.de

٢. الحساب ده هيديلك إمكانية انك تنزل الشوفا بتاعة السنادي مجانا ودي حاجة مهمة جدا.

٢. عمل موتيفاشن ليتار بالالماني وترغي فيه شوية وتوضح انك جاي بعد خبرة في مصر وانك بتفيد شركتك هنا جدا والمانيا وان انتم كا أسرة هاديين ومش بتشووا في البلكونة ومش بتعملوا حفلات ومش بتشربوا سجاير ومعندكمش حيوانات أليفة

وانكم جامعيين ومتعلمين وتذكر ان العقد بتاعك دائم ودي مهمة جدا وان مرتبك أعلى من رقم معين.

٣. انك ترفع كل ملفاتك على الحساب بتاعك وده هيساعدك جدا ودي حاجة مش موجودة غير في الحساب البرايم بس وهو كمان هيعملك ريبورت بكل ملفاتك.

٤. من خلال الحساب ده هتعرف الشقق قبل غيرك وهتعمل ان يجيلك نوتيفيكاسن للشقة في الحال لما تنزل

٥. لما الشقة تنزل بالمواصفات اللي انت عاوزها انزل تحت شوية هتلاقي خدمة زيادة عندك اسمها بروفايل تشيكار ومن خلالها هتعرف احتمالية انك لو قدمت تتقبل وهتعرف كام واحد قدم لحد دلوقتي وكام واحد منهم برايم زيك وهتعرف مرتباتهم كام كمان.

٦. وسع دايرة البحث بتاعتك بس انا بحب ارسم الخريطة بتاعة البحث مش موضوع دايرة وخلاص يعني حاول تعرف ايه المناطق اللي تتجنبها وطلعها من دايرتك بس عامة خلي الدايرة واسعة شوية ولما تيجي الشقة فكر براحتك واعرف تفاصيل اكتر.

٧. من ضمن الحاجات اللي رفعتها مرتبي اخر ٣ شهور و ورقة من اللاند لورد اني كويس معاه وفي حاجة البرنامج بيعملهالك انه بيدخل على حسابك البنكي ويطلع منه شهادة تأكيد انك بتدفع كل شهر في ميعادك للاندلورد الحالي.

٧. خلي عندك بلان بي ان لو متعترتش في شقة مناسبة متتسرعش وروح شهرين في شقة شهرية هتكون أغلى بتاع ٢٠٠ يورو وممكن لأ على فكرة وتطلع سعرها مناسب وانا بقولك عن تجربة بحث برده. وبالتالي مشتغلش وانت مضغوط نفسيا دلوقتي. https://wunderflats.com/en/?gclid=Cj0KCQjwy97qBRDoARIsAITONTL4KudgrShTor9l6u5SXjnIkglutxIyHf0JXtzR4HPJq0tbaoVtRIMaApkOEALw_wcB استعمل الموقع ده للبحث عن الشقة المؤقتة في هذه الحالة

٨. ودي نصيحة مهمة اوي، انا اول سنة جيت فيها قدمت على شقق كتير اوي ورد عليه ٢ مثلا بميعاد

لكن المرادي فهمت اللعبة،. انت الصح بكتيره اوي يوم وتتصل انت بيهم لو مكتب مش برايفت وتقولهم انا فلان وبعت امبارح لحضرتكم وانا بشتغل كذا ومعايا عقد دائم والشقة دي عجباني ولو سمحتم انا حابب اخد ميعاد ممكن يكون امتى؟ والله انا في أسبوع اخدت اكتر من ٢٠ ميعاد بسبب الحوار ده وطلعوا كلهم بهايم ولازم تكلمهم او تدخل على موقع المكتب اللي منزل الشقة وتبعت ايميل او تملا الفورم بتاعة الموقع بنفس الرسالة اللي بتبعتها لكل واحد التيمبليت يعني اللي هي هي الموتيفاشن ليتار بتاعك

وربنا يرزقكم باحسن شقة ان شاء الله 😀

هذه هي ملخص الفوائد باللغة الالمانية لهذا الحساب

Chancen-Analyse-

Ihre Nachrichten ganz oben-

Exklusive Anzeigen als Erster kontaktieren-

Hochwertige Bewerbermappe-

SCHUFA-BonitätsCheck monatlich-

Mietzahlungs-/ Einkommensnachweise-

Mietrechtsberatung-

Schlüsselnotdienst-


تجربة شخصية 2 :

نصيحة 1 . لا تتردد في أولا في تأجير سكن مؤقت في برلين، فإنه من السهل جدا استئجار غرفة لمدة 2 أسابيع من بعض الأشخاص الذين يذهبون في عطلة على سبيل المثال. عن طريق مواقع airbnb و wimdu

https://www.airbnb.com/c/ballibert1?s=8

http://www.wimdu.com/berlin?wt_af=zanox.de.userid=2101095.partnerid=31017844C1799267140.1


مواقع اخرى