استقدام الزوجة والأطفال - لم الشمل

خطوات لم الشمل بالتفصيل:

حجز موعد لم شمل في السفارة الألمانية بالقاهرة
تجهيز الأوراق المطلوبة كما هو موضح بالأسفل
الذهاب للمقابلة يوم موعد السفارة بالأوراق المطلوبة
استلام جواز السفر بالفيزا والسفر

حجز موعد لفيزا لم الشمل عن طريق موقع السفارة الألمانية

معلومات حول المواعيد

https://service2.diplo.de/rktermin/extern/choose_category.do?locationCode=kair&realmId=702&categoryId=1413


حجز المواعيد

https://service2.diplo.de/rktermin/extern/appointment_showForm.do?locationCode=kair&realmId=702&categoryId=1413

تحضيرالأوراق المطلوبه لعمل لم الشمل ... استقدام الزوجة والأولاد

https://kairo.diplo.de/blob/1624174/43afe23617933febd17df784b1a7906a/merkblatt-familienzusammenfuehrung-arab-data.pdf

نموذج التأشيرة https://kairo.diplo.de/blob/1587304/7b4b9309790df5d1fa748ee23816e449/antragsformular-deu-ara-data.pdf

نموذج الإقرار https://kairo.diplo.de/blob/1587306/3eaba3624790048bd17cc45c14414e6c/rk-visa-belehrungsblatt-deu-arab-data.pdf


ملحوظات حول الأوراق:

يجب ترجمة أية أوراق غير ألمانية أو إنجليزية عن طريق مترجم معتمد من السفارة وقائمة من المترجمين المعتمدين على الرابط التالي: https://kairo.diplo.de/blob/1505052/3047900d2bda341f12bea4df2b6135d7/anerkannte-uebersetzer--arab--data.pdf

يجب توثيق كل الأوراق من السفارة الألمانية

عقد إيجار الزوج في ألمانيا: يجب أن يُثبت أن مكان الإقامة مناسب لعدد أفراد الاسرة وإلا سيتم رفض الفيزا! طريقه حساب نسبة الأفراد لمساحة مكان الإقامة: ١٣ مترًا مربّعا للفرد فوق ١٢ سنه و١٠ مترًا مربّعًا للفرد تحت ١٢ سنة.

معلومات عن شركات التأمين http://m.kairo.diplo.de/Vertretung/kairo/ar/07__neu/__Allgemeine__Hinweise__zum__nationalen__Visum.html

في بعض الاحوال تطلب السفارة صورة من البلو كارد الخاص بالزوج

ملحوظات عامة

في حاله حصول الزوج علي بلو كارد لايلزم للزوجه الحصول علي شهاده باجاده اللغه الالمانيه في حاله حصول الزوج علي بلو كارد لايلزم للزوجه توثيق الشهادة الجامعيه في المعتاد من الصعب الحصول علي موعد للسفاره ويجب متابعه موقع السفاره لحجز الموعد بشكل يومي وعده مرات كل يوم

يجب حجز موعد لكل فرد في الاسره مهما كان عمره , ففي حاله الاسره المكونه من زوجه و٣ اطفال يجب حجز ٤ مواعيد مختلفه

في حاله عدم القدره علي حجز مواعيد كافيه يجب ارسال رساله لايميل السفاره لطلب موعد زياده [email protected]

لتسريع لم الشمل من المانيا هناك ورقة اسمها "Vorabzustimmung Familienzusammenführung" وهيا موجودة في Auslanderbehorde في بعض الاحيان ادارة الاجانب لاتوافق على اعطاك الورقة .

تكملة أوراق لم الشمل في برلين:

لو مقدم على فيزا لم الشمل من السفارة في القاهرة للزوجة و الأولاد، ممكن يتبعتلك على البيت جواب من Ausländerbehörde طالبين فيه شوية اوراق و لو متبعتتش هيضطروا آسفين انهم يرفضوا الفيزا. (الاوراق المطلوبه بتختلف من فرد للتاني حسب الموظف المسؤل عن ملف لم الشمل الخاص بك ، مثال بسيط انا مطلبش مني ورقه التامينات والمعاشات وغيري اطلب منه )

هو الموضوع دا مش بيحصل مع كل الناس بس ممكن يحصل معاك، فأنا هكتب الي حصل معايا و الأوراق الي اتطلبت مني و في أغلب الحالات بيتم طلب نفس الاوراق:

Pass in Kopie صورة الباسبور

Arbeitsvertrag und Arbeitsbescheinigung nicht alter als 14 Tage عقد العمل و ورقة من الشغل انك لسه بتشتغل هناك ميكنش عدا عليها 14 يوم. قلهم بس Arbeitsbescheinigung و هما هيعرفوا.

Nettoverdienstnachweise der letzten 6 Monate مفردات مرتب لمدة 6 شهور

Nachweis der Krankenversicherung mit Angabe der Versichertenart und -dauer unter Angabe des Arbeitgebers der letzten 5 Jahre. اثبات انك دافع التأمين الصحي و لازم يبقى مكتوب فيه جهة العمل. أنا عن نفسي رحت TK و شاورتلهم بس على الجملة دي و طلعولي ورقة و انا واقف. أو ممكن تعمل سكان لكارت التأمين الصحي وش وضهر وتبعته.

Akteuller Rentenversicherungsverlauf شهادة بانك دافع المعاشات و التأمينات للفترة الي انت قعدتها في ألمانيا. دي بتروح تطلبها اونلاين من هنا(https://www.eservice-drv.de/SelfServiceWeb/) و تختار Versicherungsverlauf / Rentenauskunft و تدخل الرقم التأميني بتاعك و دا هتلاقيه في مفردات المرتب او هتلاقيه في الورقة الي انت هتاخدها من التأمين الصحي تحت اسم Sozialversicherungsnummer او تحت اختصار SV-Nr. او لو عاوز تختصر الوقت تروح بنفسك للعنوان دا و معاك الرقم التأميني و هتاخد الورقة و انت واقف.

Mietvertrag و أخيرا دا عقد الشقة و لازم يبقى مكتوب فيه المساحة و عدد الغرف و تمن الايجار الشهري بتاعها، الطبيعي يعني.


الخطوة الي بعديها و الأخيرة انك تبعت الورق دا للعنوان الي مكتوب في الجواب الي مبعوتلك، هتلاقيه جنبه كلمة مكتوبة بالأحمر Postanschrift. و ابعت كمان معاه Cover Letter كاتب فيه اسم و عنوان الموظف الداخلي (الي هو رقم الغرفة و عنوان المبنى بتاعه) بحيث ان الظرف دا يروحله و لازم تذكر بردو حاجة اسمها Geschäftszeichen و دا حاجة كدة زي رقم الملف هتلاقيها مكتوب في الركن الي فوق على اليمين هتلاقيه حاجة زي كدة IV B 150 - 12345667890 F/1234567890. و بعد كدة ممكن تروح بنفسك تسلمه للعنوان دا ال (Postanschrift) او ممكن تبعته بالبريد عن طريق Einschreiben mit Rückschein

Einschreiben: يعني ان الجواب هيطلعله Tracking Number ممكن تعمل تراك بيه.

Rückschein: يعني ان الي هيستلم الجواب لازم يمضي على ورقة انه استلمه و بعدين الورقة دي هتتبعتلك على البيت بحيث ان يبقى معاك اثبات انه استلم الجواب و لو في اي حاجة لا قدر الله حصلت تقدر تثبت حقك او ترفع عليهم قضية لو حابب.

أو ممكن تعمل سكان لكل الورق المطلوب وتبعته بإيميل للموظف اللي بعتلك الجواب, هتلاقي بيانات الموظف مكتوبه في ركن الجواب الي فوق على اليمين, هتلاقي اسم الموظف, إيميله, رقم تليفونه, ورقم مكتبه وعنوانه (اللي هو عنوان مكتب الاجانب).


خطوات لم الشمل قبل السفر من مصر

فائدة لم الشمل من مصر قبل السفر انه بيسهل خطوات كتير بتقابل ناس بيسافروا الأول وبيتقدموا بطلب للم الشمل وحجز موعد في مصر بياخدله حوالي ٤ شهور تقريباً وكمان لم الشمل ممكن تعمله وتخلي تاريخ السفر للفيزا الخاصة بالأسرة في ميعاد بعدك زي ما تحب بس هيختصر عليك خطوات كتير...

١. بتعمل ميعاد ليك انت على تقديم على فيزا عمل وميعاد لكل فرد من الأسرة على تقديم لم شمل (الأطفال الصغار السن حضورهم الموعد غير اجباري ولكن يجب حجز موعد لكل جواز سفر)

٢. لما بيترد عليك في ميعادك انت بعد حوالي شهر بتبعتلهم ايميل تطلب ضم مواعيد أرقام حجوزات الأسرة مع ميعادك وباذن الله بيردوا بالموافقة

٣. الأوراق المطلوب تواجدها:

بالنسبة للزوجة:

- قيد عائلي حديث (بحد أقصى شهرين من قبل تاريخ التقديم) مصدق (ويفضل مكتب تصديقات جامعة ٦ أكتوبر أو الترجمان ولو هتروح لعرابي لازم تقوله انك بتصدقه لسفارة ألمانيا) ومترجم ترجمة معتمدة ومصدق سفارة ألمانيا

- قسيمة زواج تصدق وتترجم وتصدق سفارة ألمانيا

- شهادة لغة (مبتحتاجهاش لو انك مستوفي لشروط البلو كارد)

- عقد ايجار (مش بتحتاجه لو بتقدم لم الشمل من مصر قبل السفر)

- صورة جواز سفرك

- صورة من رقم الطلب بتاعك (مش هتحتاجها لو انتوا في نفس الموعد مع بعض)

- نموذج تقدم بطلب تأشيرة (على الموقع)

- نموذج اقرار قانوني (على الموقع)

- صورة جواز سفر الزوجة

بالنسبة للأطفال: (لكل طفل)

- شهادات ميلاد مصدقة خارجية ومترجمة ومصدقة سفارة

- صورة جواز سفرك

- صورة من رقم الطلب بتاعك (مش هتحتاجها لو انتوا في نفس الموعد مع بعض)

- صورة من جواز سفر الأم

- صورة جواز الطفل

- نموذج طلب التقدم لتأشيرة (على الموقع) وبيمضي عليه الأب والأم

- نموذج الاقرار القانوني (على الموقع) وبيمضي عليه الأب والأم

طبعاً كل الي فات ده بيتصور نسختين وبتقدمهم وبيكون معاك الأصل للاطلاع

جدير بالذكر ان في عدم وجود حالات استثنائية فيزا الأسرة بتتأخر شوية عن فيزتك في حدود شهر بعدك

ميعاد التصديق لازم تكون حاجزه من قبل ميعاد الفيزا وتكون مخلص كل الأوراق المطلوب توثيقها علشان تكون جاهزة في الموعد.. ولو لا قدر الله ملقتش موعد قبل الفيزا ابعت ايميل ل[email protected] أطلب فيه موعد استثنائي وترفق فيه رقم الحجز لموعد الفيزا علشان يضمنوا الجدية وهم هيحاولوا انهم يجيبولك موعد استثنائي قبل موعد الفيزا

بالتوفيق باذن الله