إجراءات ترك المانيا نهائيا

اعلام البرجرامت بالمغادرة

ودي ممكن تتعمل في البرجرامت بحجز موعد، او ممكن بالبريد، التفاصيل هنا

https://service.berlin.de/dienstleistung/120335/ بتاخد Abmeldebescheinigung كنتيجة لل abmeldung ودي مهمة جدا في الغاء حاجات كتير.

مغادرة السكن

يبلغ ال landlord بميعاد ترك الشقة ويسيب الشقة. عقود الشقق في المانيا عادة بتحتاج الابلاغ قبلها ب ٣ شهور ميلادية. مثلا لو تم الابلاغ يوم ١٥/١/٢٠٢٠ يبقى ٣ شهور النوتس هما شهر فبراير ومارس وابريل وتسيب الشقة في اخر ابريل. يجب اعلام ال landlord بالبريد، ممكن تستخدم الموقع ده لكتابة الجواب

https://www.immobilienscout24.de/umzug/ratgeber/vorlagen/musterbrief-kuendigung.html

ضريبة الراديو

يبلغ بتوع ضريبة الراديو انه سايب محل سكنه وسايب البلد. دي بتتعمل اونلاين من هنآ: https://www.rundfunkbeitrag.de/buergerinnen_und_buerger/formulare/abmelden/index_ger.html

العقود طويلة الاجل

يلغي العقود الطويلة الاجل (تأمين المنزل وال liability، الجيم، الكهرباء، الانترنت، الخ). معظم العقود دي بتتلغي بمجرد انك توريهم ال Abmeldebescheinigung.

يسيب عقود الموبايلات شوية تحسبا لأي مكالمات او لو عليها 2FA. او الافضل الغاء العقد ان امكن، ونقل نفس الرقم لخط prepaid هيكون ارخص، وهيكون التزام غير طويل المدى زي lidl connect مثلا http://lidl-connect.de/

البنوك والمؤسسات المالية

يبلغ البنوك والمؤسسات المالية اللي فاتح معاها في المانيا انه هيسيب البلد. منهم اللي هيطلب قفل الحساب، ومنهم اللي هيعدل بيانات فقط. لو الحسابات فيها فلوس، يحولها باستخدام واحدة من خدمات تحويل الاموال، وافضلها https://transferwise.com/de

ثم يغلق الحساب، معظم المؤسسات المالية تسمح باغلاق الحساب اونلاين او بالبريد. مثال N26: https://support.n26.com/en-eu/account-and-personal-details/personal-information-and-data/how-to-close-my-account?gh_jid=804785

DB: https://www.deutsche-bank.de/dam/deutschebank/de/shared/pdf/pk-kredit_finanzierung-db_international_closing_order.pdf

الاطفال

يلغي ال kindergeld وال elterngeld ان وجدوا. ودي مهمة جدا عشان دول ما بيهرجوش

https://con.arbeitsagentur.de/prod/opal/kgo-veraenderung-ui/#/

وابلاغ حضانات ومدارس الاولاد ببموعد المغادرة (ان وجدوا)

التأمينات الاجتماعية

يحتفظ بمعلومات ال pension كويس جدا، عشان بعد سنتين من ترك المانيا يقدر يطالب بالفلوس اللي دفعها طول فترة العمل في المانيا (الجزء اللي كان هو بيدفعه، مش اللي كان ال employer بيدفعه). التقديم بيكون في سفارة المانيا في البلد اللي مقيم فيها، باستخدام الفورم دي https://www.deutsche-rentenversicherung.de/SharedDocs/Formulare/DE/_pdf/V0901.html يفضل ملء الفورم قبل مغادرة المانيا، للتأكد ان كل البيانات متاحة

تحويل البريد

يعمل تحويل للجوابات على حد لسه في المانيا (دي خدمة بفلوس من deutsche post)، عشان هيجيله جوابات بعد ما يمشي بخصوص انه ماشي 😃 https://www.deutschepost.de/de/n/nachsendeservice.html

الضرائب

يعمل tax declaration لاخر سنة كان فيها في المانيا بعد ما يسيب المانيا.