تحويل الأموال إلى مصر

في عدد من الطرق لتحويل مبلغ مالي لشخص في مصر، الاختلاف الرئيسي بين الطرق هو السرعة وعمولة التحويل.

التحويل البنكي

مميزات:

  • مضمون.
  • مناسب للمبالغ الكبيرة جداً.

عيوب:

  • عمولة التحويل عالي نسبياً.
  • سعر التحويل معتمد على كل بنك.
  • بياخد ما بين 3 أيام لأسبوع عمل.
  • لازم الطرف المستلم يكون عنده حساب بنكي.
  • بعض البنوك بتطلب IBAN حصراً عشان تقدر تحول لبنك تاني, ومصر مفيهاش آي بان.
  • الاستلام بيكون بنفس عملة حساب الشخص المستلم (إذا كان عملة الحساب البنكي جنيه مصري، ميقدرش يستلم دولار أو يورو).

وسيط تقليدي

شركات التحويلات التقليدية زي ويسترن يونيون Western Union وماني جرام MoneyGram. مميزات:

  • سريع جداً.
  • ليهم فروع كتيرة جداً في مصر.
  • أقصى مبلغ للتحويل كبير.
  • التحويل بالباسبور بس مش محتاج حساب.
  • الطرف التاني مش محتاج حساب بنكي.
  • الاستلام بنفس عملة التحويل.

عيوب:

  • عمولة التحويل عالية جداً (جداً!)
  • سعر التحويل للجنيه المصري أقل من السوق وبالتالي يعتبر بياخد فلوس مرتين!
  • لازم تروح بنفسك عشان تحول (في طريقة أونلاين، بس الباسبور المصري مش مقبول) تعديل (يمكنك ارسال الاموال اونلاين من خلال MoneyGram و لكن يظل اختيار ذو تكلفة مرتفعة)
  • مع التحويل الاحبارى من عملة الى عمله بيتم وجود كسور دولار، الكسور دى لا يتم تسليمها الى المستلم.


*** RIA لتحويل الاموال، لا توجد بيه العيوب السابقة و مميزاته كالتالى: ***

  • التحويل حتى 999 يورو فى المره الواحدة
  • المكاتب متوافرة فى اغلب المدن الالمانيه المتوسطه و الكبيرة
  • التحويل يصل الى مصر فى اقل من خمس دقائق
  • الاستلام بنفس العمله ، لو قمت بارسال 200 يورو الى مصر يمكن استلامهم 200 يورو فلا يوجد اى داعى لتغير العملة.

يتم الاستلام من اى فروع بنك القاهرة فى جمهورية مصر العربية

ملحوظة هامة: مع ان احتمالية الحدوث ضئيلة لكن، فى كل الاحوال يفضل عدم ارسال مبالغ كبيرة الى مصر حتى لا تتأخر بسبب الفحص العشوائى لغسيل الاموال ايا كانت طريقة التحويل..

وسيط حديث

شركات التحويلات المودرن زي Xendpay و Azimo ... واللي تعتبر أفضل طريقة للتحويل حالياً

مميزات:

  • عمولة تحويل قليل جداً جداً.
  • سعر التحويل للجنيه المصري قريبة جداً من السوق.
  • إذا كان الطرف التاني عنده حساب بنكي بعملة أجنبية يقدر يستلم بعملة أجنبية.
  • دعم فني ممتاز.

عيوب:

  • محتاج تأكيد عند عمل الحساب لأول مرة فقط.
  • الطرف التاني لازم يكون عنده حساب بنكي.
  • بيحتاج حوالي 3 عمل (زي أي تحويل بنكي).

ملاحظات:

  • المطلوب لتأكيد الحساب فقط صورة الباسبور وثيقة التسجيل في مكتب المدينة ... وكل حاجة بتتعمل اونلاين.

Transferwise

    • افضلهم علي الاطلاق ، يمكنك التحويل علي حساب مصري بسرعه ، في العاده خلال يومين
    • يمكن التحويل و الاستلام بشكل نقدي فورا
    • يمكنك فتح حساب بمعظم العملات و الحصول علي كارت بنك يمكنك استخدامه للسحب النقدي و المشتروات مجانا

XE Money transfer

    • عمولة التحويل صفر، لكن سعر التحويل يكون اعلى قليلا من سعر السوق
    • سريع، عملية التحويل تحتاج ٣-٤ ايام
    • عيبه: لا يمكن التحويل لحساب الجنية المصري، ولا يمكن التحويل بنفس العملة (لابد من يورو لدولار، او من دولار ليورو. من حساب يورو لحساب يورو لا يعمل! )


Xendpay

    • أفضل عمولة تحويل على الإطلاق ... وعنده كمان Pay what you want (ادفع اللي تشوفه يا أوستاذ 😂)
    • متجرب مع حسابات بنكية مصرية بالدولار فقط ... وتقدر تستلم بالدولار.

Xoom

مميزات:

  • مضمون لأنها شركة تحت Paypal.
  • متابعة التحويل عن طريق SMS للمرسل و المستلم.
  • دعم فني ممتاز.

عيوب:

  • سعر تحويل مرتفع قليلا.

Azimo

عيوب:

  • خدمة عملاء سيئة، يعني لو حصل مشكلة ممكن يقفلوا الaccount و مش هتعرف توصلهم إلا لما تعمل account تاني.
  • صعب جدا استرداد الأموال المحولة في حالة حدوث خطأ.

مميزات:

  • سهوله التسجيل ، ممكن تسجل حتي بحساب ال Facebook
  • دعم كامل لكل بنوك مصر بشكل مباشر و سهوله تحديد بيانات الحساب المستفيد
  • بيتعامل مع دايره بنوك كتير في مصر لو عايز تستلم الفلوس بشكل نقدي

من المواقع التحويل اللي تقدر تحول اما بالجنيه المصري او الدولار و تقدر تبعت الفلوس توصل كاش او علي حسب بنك او حتي شحن تليفون ، من مزيتهم ان ريت التحويل كويسه جدا و كمان المصاريف ٢،٩٩ يورو اللي هوا رقم منافس جدا المواقع تم تجربته من كتير من المصريين و اثبت نجاحه في الارقام الصغيره و لحد ٢٠٠٠ يورو بريت كويس قوي

لو حابب تاخد خصم ١٠ يورو مع أول تحويل و تحويل مجاني اسأل على الجروب وخلي حد يعملك referral.