ركوب الدراجات

نسخة ١٣:٢٣، ٩ مارس ٢٠٢٠ للمستخدم Mohamed.saraya (نقاش | مساهمات) (وضع لينك يشرح كيفية تامين النفس علي الطريق)
(فرق) → مراجعة أقدم | المراجعة الحالية (فرق) | مراجعة أحدث ← (فرق)

ألمانيا من الدول المحبة للدرجات بأنواعها، سواء كنت بتحب تركب عجل أو لأ، فركوب العجل في ألمانيا فرصة عظيمة متتعوضش، والمفروض تكون ضمن الروتين الأسبوعي أو على الأقل الشهري.

معلومات عامة

تعليم ركوب العجل

  • ركوب العجل مش صعب، ولو مركبتش أي عجلة قبل كدا غالباً هتقدر تتعلمها في وقت مش كتير، أهم حاجة متخافش، وبعد كدا المسألة مسألة وقت.
  • في كذا جروب على فيس بوك بتساعد على تعليم العجل، وخصوصاً للبنات والسيدات.

متنوع

  • ركوب العجل ملهوش سن!
  • سرقة الدراجات في برلين منتشرة، متشتريش عجلة غالية إلا لو عندك مكان مقفول تركنها فيه، أي قفل مهما كان غالي ممكن يتكسر.
  • ركن العجلة لأوقات قصيرة (وأنت في الشغل مثلاً) غالباً أمان مع قفل محترم، بس لو العجلة هتبات ليلة في مكان مفتوح في احتمالية إنها تتسرق أو أجزاء منها.
  • مدن ومناطق كتير في ألمانيا مسطحة ومش محتاجة تروس ... متدفعش فلوس كتير في التروس.
  • متجيبش عجلة mountain لو هتستعمل العجلة جوا المدينة، جيب hybrid (بإطار أرفع من العادي بتاع الهايبرد) أو road (بإطار عريض شوية).


شراء

جديد

مستعمل

تأجير الدرجات

لو حابب تركب عجل من غير ما تشيل هم سرقة العجلة أو صيانتها، في شركتين بيقدموا bike sharing service:

  • LIDL-BIKE (aka call a bike)
  • nextbike

مميزات مشتركة:

  • بتدفع pay as you go يورو لكل نص ساعة.
  • بتدور على العجلة و تحجزها من الـ mobile app أو بالتليفون.
  • الاشتراك السنوي بحوالي 50 يورو.

LIDL-BIKE

  • بتدفع 3 يورو في السنة كرقم ثابت سواء استخدمت الخدمة أو لأ.
  • الاستخدام خارج منطقه الرينج و ركنها خارج المنطقه هيكلف ١٠ يورو، انصحك بعدم استخدامها بره منطقه الرينج
  • الاشتراك الشهري في LIDL bike ب 9 يورو و بيديك عدد لا نهائي من المرات بشرط ان كل مرة طولها نص ساعة او اقل.
  • في تخفيض ما لو كان عندك اشتراك تبع DBahn (زي كروت التخفيض السنوية 25% و 50%).
  • ليها عجل أكتر في برلين.

nextbike

  • معندهمش الشهري بس الاسبوعي ب15 يورو.

الامان

ده مقال ممتاز بيشرح ازي تامن نفسك علي الطريق http://bicyclesafe.com/