الاشتراك في إنترنت المنزل

نسخة ٢٣:٢٣، ٣ يناير ٢٠١٨ للمستخدم Aabouzaid (نقاش | مساهمات) (إضافة أنواع الاشتراكات وحلول مؤقتة)
(فرق) → مراجعة أقدم | المراجعة الحالية (فرق) | مراجعة أحدث ← (فرق)

الاشتراك في إنترنت المنزل

للاشتراك في الانترنت المنزلي يرجي اتباع التالي:

  • معرفه نوع الوصلات المتاحه في شقتك كمثال DSL, Fiberglass, Cable.
  • ينصح بالتحدث إلى مالك الشقة أو الشركة المسئولة عن إدارة الشركة، لانه في الغالب تتفق العماره او المجمع السكني مع مقدم انترنت.
  • من الممكن ايضا سوال احد من الجيران.

ينصح بشدة استخدام موقع Check24 وادخال العنوان لمعرفة مقدمي الخدمة في منطقتك ومقارنة أسعارهم وخدماتهم.

متوسط الأسعار شهرياً هو 20 - 30 يورو (تفاصيل أكتر عن مصاريف شهرية في ألمانيا) وديماً اشتراك السنة الأولى أقل من السنة التانية، ف الرقم هنا هو متوسط الشهر في السنتين.

أنواع الاشتراكات

  • أغلب اشتراكات الإنترنت DSL أو Cable بيكون مدتها سنتين (ولازم تكمل السنتين مع نفس الشركة ولو حبيت تنهي العقد لازم تبلغهم قبل 3 شهور من نهاية العقد، وإلا العقد بيتجدد سنة كمان. ولو غيرت الشقة تقدر تنقل نفس الاشتراك للشقة الجديدة).
  • في اشتراكات ممكن تتلغي شهر بشهر، لكن غالباً سعرها أغلى بشكل واضح عن العقد اللي بيكون لمدة سنتين. وفي بعض الأحيان بيكون الأفضل الاشتراك في إنترنت بعقد حتى لو مش هيكمل حتى سنة استخدام!
  • يفضل البعد عن الاشتراكات اللي شغالة 4G/LET عشان بيكون سعرها غالي والـ bandwidth بتاعها محدود.

حلول مؤقتة

في بعض الأحيان لسبب أو آخر مبينفعش توصيل الإنترنت بشكل سريع، أو الشخص بيكون محتاج ينقل مكان تاني في وقت قريب، أو حتى مستني دخول الإنترنت. واحد من الحلول العملية جداً هو الـ Hotspots اللي بتوفرها أكتر من شركة زي فودافون و تي-موبايل. فيها اشتراكات باليوم أو الأسبوع أو الشهر ... تقريباً الشهر بحوالي 30 يورو بس عموماً اشترك حسب ظروفك.

  • افتح الـ WiFi بتاعك وشوف إذا كان في أي نتورك في اسمها Hotspot، غالباً هتلاقي حاجة قريبة.
  • لو الـ WiFi العادي مكانش قوي كفاية عشان يلقط من النتورك كويس، تقدر تشتري USB Wierless Adapter ب Antenna سعره حوالي 8 يورو هيخلي الموضوع أفضل بكتير (طبعاً بعد التأكد إن في هوت سبوت تبع شركة قريبة منك).
  • لاحظ إن الاشتراك بيكون مربوط بالجهاز اللي سجلت/اشتريت منه.
  • من الفوايد التانية إن يكون عندك Wireless إضافي إنك ممكن تعمل شبكة تانية يتصل بيها أكتر من جهاز.