الحصول على عمل

مجال الـ IT في ألمانيا من أكتر المجالات المطلوبة وكتير من الوظائف الـ Shortage list موجودة في الـ IT.

الحصول على العمل هو مجرد الخطوة الأولى، الانتقال لألمانيا أكتر من مجرد الحصول على عقد عمل، ومحتاج فهم كتير من التفاصيل المتعلقة بالمعيشة بشكل عام. من ناحية تانية محتاج تفهم السوق محتاج إيه وتذاكر/تراجع على الحاجات اللي محتاجها السوق ... العملية دي ممكن تاخد ما بين 3 شهور لـ 12 شهر حسب الجزء اللي شغال فيه وخبرتك السابقة ومدى تطابقها مع متطلبات السوق في ألمانيا.

التحضير

الـ CV والـ Cover Latter من الحاجات اللي بتعمل فرق مع بداية التقديم على عمل في ألمانيا.

أكيد محدش هيشغلك عشان الـ CV بتاعك متظبط كويس، بس بتفرق في توقعات الشخص اللي بيعمل إنترفيو معاك، وكمان تقديم ناس على التانية عشان الشركات أكيد مش عاوزين يضيعوا وقتهم وبيحاولوا يفلتروا السيفيهات بناء على اللي مكتوب فيهم.


المقالتين دول بالعربي فيهم أهم الأخطاء اللي بيقع فيها الناس (حتى السينورز!) لما بيعملوا الـ CV والـ Cover Latter بتاعتهم.

خلي بالك إن اللي مكتوب في المقالتين دول هو الـ minimum ... يعني في حاجات تانية كتير تتعمل، بس اللي مكتوب ده مينفعش يتساب.


نقط تانية مهمة خصوصاً للناس اللي شغالين في مجال الـ IT:

  • حاول تظبط Github بتاعك بحيث يكون مثال على شغلك.
  • حاول تخلي اللي مكتوب على LinkedIn زي اللي مكتوب في الـ CV.


مواقع وظائف في شركات ناشئة startups

قوائم مجمعة بوظائف في شركات ناشئة startups