الحصول على البلو كارد في غير مجال شهادة التخرج

نسخة ١١:٣٥، ٥ نوفمبر ٢٠١٧ للمستخدم Mohamed Radwan (نقاش | مساهمات)
(فرق) → مراجعة أقدم | المراجعة الحالية (فرق) | مراجعة أحدث ← (فرق)

مفيش حاجة في القانون بتغطي مسألة الحصول على البلو كارد لو مجال دراسة الشخص مختلف عن مجال عمله، على سبيل المثال، حد خريج تجارة وشغال في مجال الكمبيوتر.

خلاصة القول ... هو وحظه! الموضوع يعود لرؤية وتقييم اللموظف. و بيتم مراجعة كل حالة على حدة.

حاجات بتساعد الشخص ياخد البلو كارد حتى لو هو مش خريج نفس المجال:

  • يكون المسمى الوظيفي في العقد مطابق للي موجود في الـ shortage list (كل الـ IT في القايمة دي، المهم التايتل يكون واضح).
  • يكون مرتبه أعلى من الرقم الكبير المطلوب للبلو كارد (مش الرقم بتاع الـ shortage list).
  • يكون المسمى الوظيفي في الباسبور بيقول إنه شغال IT (لو هو شغال في شركة في مصر، بياخد ورقة من التأمينات ويغير بيها المسمى الوظيفي في البطاقة، وبعدين الباسبور).
  • يخلي الشركة اللي جاي عليه في ألمانيا تعمله ورقة من وكالة العمل الاتحادية (Pre-Approval from the Federal Employment Agency والاسم المشهور ليها هو ZAV pre-approval) ويقدمها في السفارة مع الورق ... ودي ملخصها بيقول إن الشخص ده مؤهل إنه يشتغل في الوظيفة دي (الورقة دي بتساعد جداً!)
  • يثبت سنين الخبرة بشهادة مختومة من كل شركة اشتغل فيها، وعادةً حتى لو الشركة قفلت في مصر، بيفضل حد معاه الختم بتاعها. حاول تدور عليه، مش معنى إن الشركة قفلت إنك ما ينفعش تاخد منها شهادة خبرة.
  • يقدم أي كورسات أو certificates أخدها مع ورق السفارة.
  • طبعاً لازم يكون الجامعة اللي واخد منها الشهادة معتمدة.
  • لما يجي يعمل الإقامة في ألمانيا يفضل ياخد حد معاه بيتكلم ألماني عشان الموضوع بيكون فيه تفاصيل أكتر من التقديم العادي.
  • التأشيرة اللي بياخدها من السفارة مش هي التأشيرة النهائية، يعني حتى لو السفارة مرضتش تديله بلوكارد، عادي جداً يقدم على بلو كارد لما يوصل ألمانيا.