التقديم علي البلو كارد ولم شمل الأسرة من السعودية

نسخة ٢٢:٥٠، ١٥ مارس ٢٠١٨ للمستخدم Elhendawy (نقاش | مساهمات) (تجربتي في استراج فيزا بلوكارد و لم شمل معا من الرياض)
(فرق) → مراجعة أقدم | المراجعة الحالية (فرق) | مراجعة أحدث ← (فرق)

التجربة التالية هي للتقديم علي فيزا بلوكارد و لم شمل معا من السفارة الألمانية في الرياض: ١- حجزت موعد في السفارة و كان اول موعد متاح بعد حوالي ٣ أسابيع. ٢- بدأت أجهز الاوراق و أهمها التالي + كل الاوراق الأخري المكتوبة علي موقع السفارة:

أ- أصل و صورتين من العقد المرسل من الشركة في المانيا و موقع من الطرفين.
ب- أصل و صورتين من الشهادة الجامعية مترجمة من مترجم معتمد في السفارة في مصر و موثقة من الخارجية المصرية و السفارة الألمانية في مصر. (١- يجب توثيق الخارجية أولا قبل الترجمة. ٢- الكلام خاص بالشهادة باللغة العربية و غالبا الانجليزي هتكون نفس الكلام عدا خطوة الترجمة.).
ت- برينت للجامعة بتاعتي من موقع anabin.
ث- صورتين من كل الصفحات الغير فارغة من جواز السفر.
ج- سيرة ذاتية و متضمن معها شهادات الخبرة من الشركات السابقة و خطاب من الشركة الحالية.

٣- روحت في الميعاد و قدمت الاوراق و أخدت معايا كل حاجة ممكن تكون مطلوبة و مش مكتوبة (مثل كشف حساب بنكي لاخر ٦ شهور). الموظفة اللي هناك اخدت كل الاوراق اللي معايا حتي اللي راحتلها بالغلط و دفعت الرسوم ٧٥ يورو بما يعادلهم بالريال.

٤- فضلت مستني و بعد أسبوع بعتتلي ان انا مقدمتش اثبات من anabin ان شهادتي معترف بيها في المانيا. قمت بعتّلها برنت للجامعة كلها تاني و الشهادة بتاعتي بس من جامعة تانية و اضفت ليهم الماستر اللي بتطلع من الكلية بتاعتي لانها كان معترف بيها.

٥- فضلت مستني اسبوع محدش بعتلي حاجة. قمت باعت ميل اعرف ايه الاخبار، ردت و قالت ان الطلب لسه بيدرس. و فضلت علي الحال ده شهر. حاولت ابعت ايميل استعلم بس محدش كان بيرد، لغاية اما زوجتي راحت تقدم و اهم الاوراق اللي جهزناها كانت :

أ- وثيقة زواج كمبيوتر باللغة العربية مترجمة و موثقة من الخارجية المصرية و السفارة في مصر. أصل و صورتين.

ب- صورتين من الاقامة و كل صفحات الجواز الغير فارغة في باسبورى و باسبورها.

الموظفة هناك اخدت الاوراق عادي جدا و الرسوم و قالتلها ان الورق لسه مخلصش ولا اتبعت عشان فيه مشكلة في الاثبات اللي من anabin و اني المفروض ابعت ميل ل anabin عشان أسألهم أعمل ايه. بعت الميل و جالي رد عام جدا من anabin ملخصة ان المفروض ان السفارة تبص علي اسم الجامعة و الشهادة وخلاص لان قاعدة البيانات بتاعتهم مش محدثة. هنا قررت اروح بنفسي أديهم برنت من نفس الاوراق بتاعة anabin اللي بعتها قبل كده في المرة التانية و معاهم كمان الرد علي الميل. اخدهم مني موظف تاني غير الموظفة اللي اخدت مني الورق و ده بعد اما اتناقش معاها اكتر من مرة. و بعدين قررت اني استني و في نفس الوقت امشي في اجراءات المعادلة للشهادة. بعدها ب ١٠ ايام لقيتهم بعتولي ميل ان الموافقة جت و هات تأمين ليك و لزوجتك و تعالي خد الفيزا. جهزت التامين و روحت و قولت للموظفة علي ميعاد سفري بس كان اتأجل لشهرين ونص كمان. بعد اما مشيت لقيتها بعتتلي ميل انهم عاوزين خطاب من الشركة في المانيا اني اقدر ابدأ في الميعاد ده. جبت الخطاب و روحت اديتهولها تاني يوم و اخدت الفيزا ليا و لزوجتي و انا واقف من غير ما أعمل معادلة و الحمد لله.


ملاحظات: ١- كان فيه صديق بيعمل فيزا في نفس الوقت و كان بيشتغل معايا في نفس الشركة؛ طلبوا منه انه يجيبلهم شهادات الخبرة السابقة. و بعدين طلبو منه يجيب اثبات anabin برده لان الشهادة مش موجودة مع ان الجامعة موجوده و اسم الكلية موجود في الديباجة الخاصة بالجامعة. ٢- صديقي ده كان معاه موافقة مكتب العمل من قبل م يقدم ع الفيزا. ٣- زوجتي مكانتش محتاجة شهادة لغة لاننا رايحين علي فيزا بلوكارد. ٤- متشتريش تأمين سفر غير لما الفيزا يتوافق عليها عشان تكون المواعيد واضحة و هما مش هيطلبوه غير لما اافيزا تكون جاهزة. ٥- ادي لزوجتك صورة من الايصال اللي انت اخدته و انت بتقدم عشان هيكون فيه رقم الملف بتاعك.