إجراءات دعوة الزيارة

إزيكم؟

أنا كنت ناوية أكتب بوست بالخطوات الي مشيت بيها لما أستلم ورقة دعوة شخص من مصر لأني خدت وقت طويل جدا لحد ما جمعت أبدأ منين وسألت كتير فقلت يمكن يفيد حد غيري.

١- ابدأ من هنا لحجز ميعاد https://service.berlin.de/dienstleistungen/

٢- من الشمال، اختر Tourismus und Veranstaltungen

٣- اختر Verpflichtungserklärung für einen kurzen Aufenthalt

٤- دي https://service.berlin.de/dienstleistung/120691/ الصفحة الي فيها كل الورق المطلوب الي تاخده معاك وأنت رايح في ميعادك، انزل تحت خالص ودوس على Termin buchen

٥- التواريخ الي بالأزرق هي المتاحة، اختر تاريخ لو متاح لأن المواعيد صعبة جدا، لو مالقيتش ماتفقدش الأمل وادخل كل يوم اتأكد لو نزلوا مواعيد جديدة أو حد لغى ميعاده وبقى متاح لغيره.

٦- هيجيلك ميل تأكيد بعنوان Terminbestaetigung

٧- ادخل اتأكد من اللينك الي في الايميل إن الميعاد موجود تمام وارجع لصفحة الطلبات في خطوة ٤

٨- لو أنت مغير شركتك فالأفضل إنك تستنى أول payslip من الشركة الجديدة، أنا تطوعت وقلت وده خلاني آخد ميعاد تاني وماعنديش معلومة هل لو ماكنتش قلت كان هيتعرف ولا لأ

٩- أنا خدت كل المطلوب لكن الي اتبص عليه فعلا هو آخر payslip وصورة باسبور الشخص الي بتعمله الدعوة وباسبورك واقامتك، مفيش أي حاجة تانية اتبص عليها لكن خليك في السليم احتياطي. بتدفع ٢٩ يورو كاش أو بالكارت

١٠- وأنت رايح ميعادك الأمن هيطلب يشوف تأكيد الميعاد على الموبايل أو لو مطبوع، كمان خد معاك ماسك FFP2 عشان مش هيوافقوا تدخل من غيره.

١١- خلال فترة انتظارك للميعاد وبعد تحضيرك للورق الي هتاخده، اطلب من الشخص الي بتعمله الدعوة يبدأ هو كمان في تحضير ورقه.

١٢- بيدخل على https://de.tlscontact.com/ بيعمل أكونت ويملى أبكليشن ويحجز ميعاد ويدفع ٥٠٠ جنيه خلال ٢٤ ساعة لتأكيد الميعاد

١٣- كمان هيشوف صفحة برضو بالورق المطلوب

https://static.tlscontact.com/media/eg/tlscontact_documents_list_eg_en_visitor_visa.pdf?_ga=2.138353395.291883583.1635538562-632705541.1635538562&fbclid=IwAR3EsHwnS_qyGxyqwj7ac-EfwkMcSBnNWBhP6aQ9ZGVqqbITGKavCEm0CLY

١٤- يقدر يطلب شهادة التحركات أونلاين من هنا https://emoves.moi.gov.eg/ لكن هيروح يستلمها بنفسه من العباسية

١٥- شهادة تأمين السفر (تأمين أمان) بيتم اصدارها من القسم بجواز السفر وصورة باسبور

١٦- يحضر ما يثبت ارتباطه بمصر ماليا، أمثلة: عقد شقة تمليك، رخصة عربية، حساب في البنك، اثبات إنه بياخد معاش شهريا (لو حد عنده أمثلة تانية ياريت يقولها)

١٧- أي ورق بالعربي هيحتاج يترجمه بالانجليزي أو الألماني ودي صفحة المترجمين المعتمدين https://kairo.diplo.de/blob/1505052/f1abbd4868bdc97804dd2b39d9f2c163/anerkannte-uebersetzer--arab--data.pdf?fbclid=IwAR36PZnGqHqIHBZKNldEc2uorFlipYRIfbzlvAcb4FyYGaMD8M3KgEaOsJo

١٨- الدعوة الي استلمتها الأصلية لازم توصل للشخص الي في مصر عشان يروح بيها في ميعاد Tls

١٩- الورق الي حضرناه لميعاد tls في حالتنا:

   * كشف حساب من البنك بتاعي في ألمانيا
   * كشف حساب من البنك بتاع ماما في مصر (ده ماكانش موجود وفتحته مخصوص)
    *  ورقة من التأمينات لاثبات المعاش مترجمة
    * عقد شقة مصر باسم ماما مترجمة
    * كتبت motivation letter على لساني ومضيته ب docuSign
    * كتبت motivation letter على لسان ماما وبعته تطبعه وهي مضته بخط إيدها
    * أصل الدعوة الرسمية الي طلعتها من هنا
    * ال forms الي مليناها والي موجودة في خطوة رقم 13 الي خاصة بطلب التأشيرة
    * شهادة التحركات مترجمة
    * تأمين أمان للسفر من القسم بالباسبور والصورة
    * شهادة تطعيم كورونا للمسافرين ب 250 ج بالباسبور (مابقيتش مطلوبة)
    * نسخة من باسبوري ونسخة من البلو كارد بتاعتي
    * نسخة من ورقة ال registration/anmeldung
    * عقد شقتي في ألمانيا والي هو مكان الاقامة خلال مدة الزيارة
    * عقد الشغل بتاعي وآخر 3 payslips
    * تذاكر طيران ذهاب وعودة مزيفة واستخدمت الموقع ده     https://www.tripcase.com/
    * اثبات التأمين الصحي بتاعي هنا
٢٠- المترجم الي ترجمنا عنده، بتوديله الورق لمكتبه، ماوافقش نبعتهم بالميل وبعدين بيديك ميعاد للإستلام وبتدفع نص المبلغ والباقي وقت الاستلام

الاسم: عبد الناصر الثامر التليفون: 00201024877822 العنوان: أمام فندق فلامنكو بالزمالك أبراج المصري

٢١- الفيزا أخدت أسبوعين عمل، وبعتوا الباسبور على البيت تاني يوم بعد رسالة الموبايل إن الباسبور جاهز (بداية الأسبوع التالت). الطبيعي بياخد من ٣ ل ٦ أسابيع.

٢٢- في خدمة في مطار القاهرة بتقدم كرسي متحرك، تقدر تطلبها وأنت بتحجز التذاكر على موقع مصر للطيران. الخدمة مجانية. في كمان خدمات زي أهلا و pearl assist فيها خدمة مرافق يخلص الاجراءات ويوصلهم لحد باب الطيارة بس معلوماتي مش كفاية عنهم، لما جيت أحجز كان الوقت متأخر عشان لازم أحجز قبل وقت معين من الرحلة. أنا راجعت مع ماما الخطوات وفرجتها على فيديو من يوتيوب ليلة السفر وهي اعتمدت على مهاراتها الاجتماعية.

ملحوظة:
أنا عارفة إن في ورق مش مكتوب في صفحة الورق المطلوب على tls
بس ماما ورقها اترفض أول مرة واتقالها الورق الناقص إيه، فبدأت أجمع الورق الي ناس قبلي حضروه وأي اثباتات ممكنة عشان ورقها يتقبل.


تجارب أخرى:

تجربة 1 من جروب برلين

https://www.facebook.com/groups/496494910554716/posts/1674757182728477/

تجربة 2 من جورب التكييز

https://www.facebook.com/groups/egyptiantechiesingermany/permalink/4866848476675947